Cooking recipe for Sweet Somasa
தேவையான பொருட்கள்
பூரணம்:
தேவையான பொருட்கள்
பூரணம்:
- வறுத்த வெள்ளை எள் - 2 மேசைக்கரண்டி
- துருவிய தேங்காய் - 1/2 முடி
- சர்க்கரை - 3/4 டம்ளர்
- நெய் - 2 தேக்கரண்டி
- முந்திரி, பாதாம் - 6
- மைதா மாவு - 1/4 கிலோ
- ரவை - 1 /4 கப்
- சோடா உப்பு -2சிட்டிகை
- உப்பு - 2 சிட்டிகை
- வெண்ணை - 2 மேசைக்கரண்டி
- ஒரு பாத்திரத்தில் மாவை எடுத்துக் கொண்டு அதில் ரவை, சோடா, உப்பு ஆகியவற்றை சேர்த்து வெண்ணை உருக்கி ஊற்றி நன்கு பிசைந்து அரைமணி நேரம் ஊற வைக்கவும்.
- அடுப்பில் ஒரு பாத்திரத்தை வைத்து நெய் ஊற்றி காய்ந்ததும் முந்திரி, பாதாம் போட்டு வறுத்து விட்டு வெள்ளை எள் மற்றும் தேங்காய் துருவல் சேர்த்து நன்கு வதக்கவும். இறுதியாக சர்க்கரையை சேர்த்து வதக்கி இறக்கவும்
- கலவை சற்று கெட்டியாக இருக்கும் போதே எடுத்து ஒரு தட்டில் வைத்து ஆற வைக்கவும்.
- பிசைந்து வைத்திருக்கும் மாவை எடுத்து சிறு சிறு உருண்டைகளாக உருட்டி வைத்துக் கொள்ளவும்
- உருண்டையை எடுத்து சப்பாத்தி கட்டையில் வைத்து வட்டமான சப்பாத்தியாக தேய்த்து அதை எடுத்து சோமாஸ் செய்யும் அச்சியில் வைத்து அதனுள் செய்து வைத்திருக்கும் பில்லிங்கை வைத்து மூடி வைக்கவும்.
- வாணலியில் எண்ணெய் ஊற்றி காய்ந்ததும் தீயை மிதமாக வைத்து செய்து வைத்திருக்கும் சோமாஸை போட்டு பொரித்து எடுக்கவும்.