அரிசி கேசரி

Cooking recipe for Rice Kesari


தேவையான பொருட்கள்
  1. பச்சரிசி - 1 கப்
  2. தண்ணீர் - 1  1 /2 கப்
  3. பால் -1 கப் 
  4. முந்திரிப்பருப்பு - 15
  5. சீனி - 2 கப்
  6. நெய் - 1 /4 மேசைக்கரண்டி
  7. ஏலக்காய் பொடி-2 சிட்டிகை
  8. கேசரி கலர் பவுடர் - 2 சிட்டிகை
  9. உப்பு - ஒரு சிட்டிகை 
செய்முறை
  •  வாணலியில் இரண்டு மேசைக்கரண்டி  நெய் ஊற்றி அரிசியை போட்டு சிறு தியில் நன்கு வறுக்கவும். அரிசி நன்கு  பொரிந்து  நிறம் சற்று மாறியதும் எடுத்து ஒரு தட்டில் வைத்து ஆறவைக்கவும்.
  • வாணலியில் ஒரு மேசைக்கரண்டி நெய் ஊற்றி முந்திரிப்பருப்பை போட்டு பொன்னிறமாக வறுத்து எடுத்து கொள்ளவும்.
  • அதே வாணலியில் 2 1 /2 கப் தண்ணீர் ஊற்றி அதில் கலர் பவுடரை சேர்த்து கொதிக்க விடவும். தண்ணீர் கொதிக்கும் போது ஏலக்காய் மற்றும் உப்பு சேர்த்து கொள்ளவும்.
  • அரிசி ஆறியதும் மிக்ஸியில் அரிசியை போட்டு ரவை பதத்திற்கு பொடிக்கவும்
  • தண்ணீர் கொதித்ததும் பொடித்த அரிசியை கொட்டி கொண்டே கிளறி விடவும். கட்டியில்லாமல் கிளறிக் கொண்டே இருக்கவும்.
  • அரிசி வெந்த பிறகு சீனியை சேர்த்து கிளறி விடவும். அதில் வறுத்த முந்திரியை போட்டு மூன்று மேசைக்கரண்டி நெய் ஊற்றி ஐந்து நிமிடம் கிளறி கொண்டே இருக்கவும்.
  • கெட்டியான பதம் வந்து பாத்திரத்தில் ஒட்டாமல் வந்ததும் இறக்கவும். தேவைப்பட்டால் மேலும் ஒரு மேசைக்கரண்டி நெய் சேர்க்கவும்.
  • சுவையான அரிசி கேசரி ரெடி

Related Posts with Thumbnails